بسم الله الرحمن الرحيم
السلام عليكم ورحمة الله وبركاته
بقلم : أحمد جدة
على و سُهى إتنين بحبو بعض واهلهم خلاص وافقو على مغترب يعني مستور وشايل نفسو كويس إتصل على سهى قال يدردش معاها شوية في موضوع العرس ،،،،
على : إزيك يانور العين والله مشتاقين
سهى : بالأكتر ياراجل بطل الدنيا رمضان
على : مافيها حاجة ما خطيبتي
سهى : لا ياخوي هوي صوم صوم
على : اها جديدك
سهى : والله لاجديد يذكر
علي : اها كلها شهرين والواحد يجي يعرس و يستقر
سهى : الله يوصلك بالسلامة بالله بعدين شوف لينا فنان كارب
على : فنان كارب شنو يابت والله في واحد اسمو صلاح ولي حفلتو بمليون بس وقالو هجيج تقيل
سهى : لا ياخوي ده جيبو في حنتك انا دايرة مجذوب أونسة ولا حسين الصادق
على : يازول الله بحلها للوقت داك
سهى : بعدين من هسه اوعك تقول لي صالة مافي
علي : والله الصالة دي حسب قدرتي
سهى : كيف كيف
علي : صالة بعشرين مليون انتي زولة جادة
سهى : والله من هسه لا بعرس في صيوان لا في نادي
على : ليه بس
سهى : زفافي بتوسخ
على : والله انا قدرة صالات ماعندي
سهى : والله غايتو اتصرف وانا حأحجز في الكوافير من قبل شهر
على : ليه ده كوافير ولا سما للطيران
سهى : كيف ليك ده أشهر كوافير في بحري
علي : ياسهى خليك واقعية ومتواضعة الحاجات دي مابالطريقة دي
سهى : يازول هوي هو العرس ده كم مرة في العمر
علي : ياخي دي حاجات هامشية المهم البيت الاقامة دي الاساسيات
سهى : برضو داك مهم ومن هسه غرفة النوم الا اجي اشتريها معاك
علي : طيب
سهى : واهم حاجة شهر العسل نهائي مابقضيهو في السودان
على : اها وين ان شاء الله
سهى : ماليزيا والله قالوا رهيبة
على : اقول ليك كلام انتي طالق
سهى : وووووب علي سجم امي طيب نعرس اول ،،،
الرئيسية 
أحدث الصور 
موضوع: الراجل طفش 
السبت 28 أغسطس 2010 - 7:33
